კულტურა

მამაკაცის ტრადიციული სამოსი ჩოხა-ახალუხი – ქართულ წყაროებში გვხვდება IX საუკუნიდან, რომელიც წარმოადგენს  კაბების სახის სამოსელს განეკუთვნება. მათი საერთო ნიშანია მკვეთრად გამოყვანილი წელი, განიერი ბოლო, მრავალკალთიანობა, ჩახსნილი წინა მხარე და ნაოჭიანი კალთა. არსებობს ე.წ. სამამაკაცო და სადიაცო ჩოხები.

ქალის სამოსი – გრძელი კაბა და ჩიხტი-კოპი-ძველი ქართული სამოსის ნაწილი, თავსაბურავი. კაბა-ქართველი ქალის ეროვნული სამოსი. კაბის კომპლექტში შედის სარტყელი, გულისპირი და სახელოები. მოსასხამად ზამთარში მოკლებეწვიან ხავერდის „ქათიბს“ ხმარობდნენ, ზაფხულში კი მუხლამდე სიგრძის „ტოლომა“, „ტალმა“-ს. ეხზე ატარებდნენ წინდას და ეცვათ ტყავის ფეხსაცმელი, კაბის ქვეშ აბრეშუმის გრძელ პერანგსა და ტოტებნაქარგ შეიდიშს. 

ქართული ხალხური ცეკვები – ქართულ ხალხურ ქორეოგრაფიას მრავალი საუკუნის ისტორია აქვს. საქართველოში გვაქვს 11 რეგიონი ე.წ. „კუთხე“, თითოეული მათგანი გამოირჩევა არა მხოლოდ ბუნებით, არამედ ცეკვებითაც, ყველა რეგიონს აქვს თავისი დამახასიათებელი ცეკვა. ეს არის:ქართული იგივე დავლური, მთიულური, ხევსურული, თუშური, აჭარაული, რაჭული, ქართლ-კახური და ასე შემდეგ.

ქართული სამზარეულო – ქართული ტრადიციული სამზარეულო გამოირჩევა თავისი მრავალფეროვნებით, მასში ჰარმონიულად არის შერწყმული ხორცეულის და ბოსტნეულის კერძები. საქართველოში გვაქვს 11 რეგიონი ე.წ. „კუთხე“, თითოეული მათგანი გამოირჩევა არა მხოლოდ ბუნებით, დიალექტით, ასევე სამზარეულოთი. დასავლეთ საქართველოს სამზარეულოში ჭარბობს ბოსტნეულის კერძები, ხოლო აღმოსავლეთ საქართველოს სამზარეულოში ხორცეული. ყველასთვის ცნობილი ქართული კერძებია : ხაჭაპური, მწვადი, ხინკალი, საცივი, ფხალეულის ასორტი და ა.შ.

ქართული ტრადიციული დღესასწაულები – დღეს დღეობით საქართველოში აღინიშნება მრავალი ხალხური თუ რელიგიური დღესასწაული. ყველა ისტორია გაიგივებულია ლეგენდასთან და საქართველოს სხვადასხვა კუთხეში ტრადიციისამებრ აღინიშნება.ერთ-ერთი ყველასთვის გამორჩეული დღესასწაულია აღდგომა და შობა, რომელიც საქართველოს ყველა რეგიონში ერთი და იგივე დროს აღინიშნება. ასევე საქართველოს სხვადასხვა კუთხეში შევხვდებით კუთხის დამახასიათებელ დღესასწაულებს, რომლებიცაა : ლამპრობა სვანეთში, ლომისობა მთიულეთში, კალანდობა გურიაში, ლაშარობა თუშეთსა და ფშავში, ანდრიაობა ხარაგაულში და სხვა მრავალი.